[سيد يوسف مرسي]

 حسن ونعيمه (منولوج شعبي )

حسن ونعيمه

حسن ونعيمه دخلوا السيما
طلعوا المسرح شافوا المطرح
وبنات تمرح فوق الحبال
قالوا مـــــوال على الأحوال
بكي النايـــــم والغفــــــــلان
واللي مراته ضاربه الحزمة
ونازله بترقص ع الموال
واللي مراته نازله تعنطز
عايزة قلادة اوعايزه لجام
واللي عريسها ماشي مطاطي
شايل الدنيا وعامل واطي
قالع توبه وخالي الودان
واكل شارب من غير شارب
يهز في ديله وله طنــــــان
يا اللي سمعنا كيف الحــــال
لما مراتـــــك كل ما تدخل
نازل تشخر تلاقيك نعسان
وأنت ياروحي تأكل في نفسك
عايش في ضلمة وليه قرفان
نازل تجري ونفسك تمري
كيف الديزل على القضبان
هدي السرعة وبص يمنيك
أصل الدنيا ما فيها أمان
***
حسن ونعيمة دخلوا السيما
قالوا مــــوال على الأحوال
صحي النايم والسرحــــان
واللي مشخر في الدنـــــدان
واللي عريسها عامل أرنب
كل ما يمشي أودانه تترنب
خايفه مراته ليكون ثعبان
أسود فحمه زيت قطـــــران
أو حــــــدايه عايزه اللحمة
ليها مخالب تهد جبال
وكله ماشي في التوهان
***
دنيا عجيبة ليها تكتيكه
واللي عايزها ليه تأبيده
ماشي يعسس كيف عميان
واحد بيضحك واحد بيبكي
واحد تايه في الأدغال
كله بيسرح في الدندان
***
شيل من ده ترتاح من ده
واللي عرفنا يقول موال
دنيا خبيثة ليها تكبيسه
واللي عايزها يعز بسيسه
بس يا صاحبي أكيد سعران
***
حسن ونعيمه دخلوا السيما
قالوا موال على الأحوال
واحد مراته ليها فستان
واللي يشوفها يروح في لمان
واللي واخدها عامل عنتر
جو البيت ماشي دبان
يمشي يطاطي يحكي يكاكي
نعجة يا صاحبي وكله تمام
يمشي يهق ونازل ينط
كيف القط خالي الودان
ولما تسيبه ينام أيام
يعبي الكرشه فول أو لحمة
ويضحك ضحكة تجيب الزحمة
خايف مراته تكون شايفاه
ولما مراته تخرج بره
تحكل عينها وتكوي شعرها
تضحك ضحكة تجر أنين
للرجاله وشباب فارغين
أصله صاحبها ليه يحكمها
عشان قواعدها ..
أخرب بيته جاه الطين
اسمع مني وكوني حقاني
أصل الحيطة تقلي جيراني
أسمع منها من غير ودان
طبعا هيه وبنت أذية
هيه الدنيا بنت الإيه
حسن ونعيمه دخلوا السيما
قالوا موال على الأحوال
أبكي يا صاحي ع النعسان
واللي سمعنا ليه تقديرنا
وبدنا يبصر في الغربال
بقلم: سيد يوسف مرسي

[خولة السعيد]

حسن ونعيمة بلغهم مني سلام واشكرهم على حلو الكلام

[عزة عامر]

وبلغهم سلامي أنا أيضا .. ذكرني نصك بالنصوص الشعبية القديمة اللي كانوا يسموها منولوجات .. شكرا لك على الإمتاع .

[دعاء الفيزازي]

ذكرني هذا الثنائي المصري الجميل ( حسن ونعيمة. ) ب الثنائي المغربي ( حسن ودنيا "كبور والشعيبية ) لكن الاختلاف بينهما أن الثنائي الأول متفرج بارع أما الثنائي المغربي ممثل بارع
جميل ما قرأته هنا

[سيد يوسف مرسي]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة خولة السعيد حسن ونعيمة بلغهم مني سلام واشكرهم على حلو الكلام

لما كلمتهم فرحوا
والفرحة بانت على اعنيهم
قلت :السعيدة بتمسي وبتصبح
وبتقلكم بعت ليكم سلامي
قالوا:مليون مراحب واهلا
دا خوله من أعز الحبايب

[سيد يوسف مرسي]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة عزة عامر وبلغهم سلامي أنا أيضا .. ذكرني نصك بالنصوص الشعبية القديمة اللي كانوا يسموها منولوجات .. شكرا لك على الإمتاع .

القعده معاهم كانت حلوه .
وفكروني ماشي ساعتها .
يا دوب قلت عزه
لقيت حسن فطت من عينه الدمعة
ونعيمه خلقتني . لما أرجع أرد سلامها لعزة

[سيد يوسف مرسي]

اقتباس  عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] المشاركة الأصلية كتبت بواسطة دعاء الفيزازي ذكرني هذا الثنائي المصري الجميل ( حسن ونعيمة. ) ب الثنائي المغربي ( حسن ودنيا "كبور والشعيبية ) لكن الاختلاف بينهما أن الثنائي الأول متفرج بارع أما الثنائي المغربي ممثل بارع جميل ما قرأته هنا

الفرق واضح يا بنت عمي
بينا وبينكم مسافات
على اطلس التل نلقى الجناين
أما حدانا الفرجه مسارح وسينمات
الفرجه عندنا بلفوس
وعندكم سهله ما عايزه غير الحبايب