|
|
||||||||
 |
 |
|||||||
|
||||||||
|
||||||||
|
20 / 02 / 2008, 10 : 04 AM
|
رقم المشاركة : [1] |
|
ضيف
|
زجل مغربي تحت عنوان : ( هذا ما تقدر وكتاب علي )
[align=center]هذا ما تقدر وكتاب علي .
مال ولفي مالو هجر العش الدافي وامشى بحالو كولو لي ياناس كي اندير حيراتني فعالو لا عشرة كرات فيه لامحبة ثمرات فيه لهوى لي جا يديه واش كاين شي حد بحالو؟ عوض الثوب العادي لبستلو لحرير وماذا اشريتلو من نقرة وذهب انضير الناس عايشة مرتاحة ومهنية واخ على لحصير وباش انريحو ونهنيه شريتلو مضربة غالية وسرير كون شفتو ياناس شحال كنبغيه حامله على كفوف الراحة مانبغي النسمة تآذيه ولي طلبها وعين فيه نتقاتل مع الزمان حتى نشريه ليه اللازمة سكنتو فقاع عيني أنا نحافظ على عينيه وهو عماهم لي سكنتو فقلبي كي ندير يا ربي أنا نخاف عليه وهو هجرو لي كل مرة يديرها ونكول ربي يهديه ما بيدي حيلة يا ناس راني كانموت عليه لا حيلة مع الله هذا ما كتاب علي لحبيب لي حبيتو ضحك الشمايت في اللازمة واش العيب فيها ولا في ؟ اتزوجتها بالصدق والنية على لحلوة والمرة وسمحات فالولاد وفي وكالت : بغات تعيش بحرية وضحكات الناس فيها وفي اللازمة فحياتها يتمات لوليدات فيما سمعوا كلمة امي ايعطيوها لبكى ولغوات ويسولوني فين هي ؟ باش نجاوبهم يا ناس ؟؟؟ دارت الدنيا بي ما بقيت عارف رجلي من الراس ما حيلتي مع الزمان ماحيلتي مع الولاد ولا معاها هي شوف ياربي من حالي ياخالق لعباد أنا راضي بلمقدر و راضي بالمكتاب وراضي بما جرى لي اللازمة ياربي تهدينا وتهديها وترجع العش الدافي ما قدرت نسمح فيها شافيها يا شافي واغفر لينا وليها واخ دير ما دير وتقول المدونة تحميها كثار لفاهمينها بالمقلوب شحال منهم عايشين فالجنة ومن نعايمها يتمتعو بها انت تبغيهم يبقاو فيها معاك وهما يحلفو يهجروك ويسمحو فيها مني يسطحوهم لحيوط غدي يندموعليك و عليها محمد محبوبي . البيضاء . بتاريخ : 31/10/2005 . نور الأدب (تعليقات الفيسبوك) |
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حلف زاجلي _ مصري مغربي | عزة عامر | فضاءات الزاجل والنبطي والشعبي | 12 | 30 / 09 / 2020 47 : 02 AM |
| ابن قتيبة وكتاب عيون الأخبار | د. منذر أبوشعر | مدينة د. منذر أبو شعر | 0 | 30 / 10 / 2012 20 : 02 AM |
| الشاعر سميح القاسم: العربية لها رب وكتاب وشعب يحمونها | تيسير محي الدين الكوجك | اللغة العربية و قواعد الكتابة | 1 | 16 / 04 / 2009 24 : 05 AM |
| انا مرشحكم(زجل مغربي) | محمد المسفيوي | فضاءات الزاجل والنبطي والشعبي | 1 | 10 / 03 / 2009 04 : 10 PM |
| خاطرة من الزجل المغربي بعنوان : " رد على : هذا ما تقدر وكتاب علي " | محبوبي | فضاءات الزاجل والنبطي والشعبي | 0 | 04 / 03 / 2008 46 : 03 AM |
الساعة الآن 53 : 11 PM
 |
