[فتيحة الدرابي]

1. اليوم
2. اوصل السكين للعظم
3. غير الحال
4. باسباب لغمامة
5. اللي جرمها طال
6. من حرقتي ادويت
7. جاوبتني القمرة
8. وبكى معاي الشجر
9. واشهد اعليا حتى لحجر
10. أنا المكوي بحر الظم والجور
11. أنا اللي دمي ينزف قطرة قطرة
12. بالله اعليك يالغمامة
13. وانت اسباب
14. ف هاد الظلمة
15. امعيشانا ف غمة
16. سنين طويلة طفيتي البسمة
17. خليتي الناس ف دوامة
18. خليتي الدمعة تجري عل لخدود
19. كهربت بهجة ليام
20. خليتيني أنا الشاب الفرحان باشبابي
21. نبكي نشكي وانعاني
22. ولعيون من كل جهة شايفاني
23. ولقليل من قال يحسن اعواني
24. آه منو جور ازماني
25. خلاني ميت حي وأنا فيا الروح
26. ف دواخلي نار حامية
27. وقلبي مجروح
28. ما القيت غير الليل
29. نمشي لو وانا قلبي مقروح
30. اخلص لي ف وعدو
31. وكان حرفي اوسادة اعليه التكيت
32. وامدادي هو اغطايا
33. وفاهم الحالة وبيه الدفيت
34. بالله اعليك يا لغمامة
35. زولي من الطريق
36. خلي العاصفة الدوز
37. بلا تزعزع ديور
38. بلا ما تنتف اجدور
39. بلا ما تكون اسباب ف هجر طيور.