|
أزجال حسين بيكار ( 1 )
أزجال حسين بيكار ( 1 ) (فنان تشكيلي وصحفي و زجال مصري راحل ) عدالة السماء إيه يعني شوية أسى , وإيه يعني حبة ألم وإيش تكون كل الآلام لو قارناها بالنعم الدنيا فيها ألم و أنين , لكن كمان فيها النغم والعيشة من غير ده وده , تبقى بعيد عنك غم دروس من الحياة علمتني الحياة ان سهم يصيب و سهم يطيش وعلمتني الدنيا ان الأناني ياخد و لا يعطيش و علمتني الحكمة ان الجبان يعري ولا يغطيش وعلمتني الكرامة أرفع راسي ولا أوطيش الحظ أعمى واقف على الناصية , وبيبيع ورق يانصيب وبيوزع على الناس حظوظ .. وهو مالهش نصيب ياللى بتعتمد على الحظ وقت الحاجة و في اليوم العصيب الحظ غادر وطايش .. و نادر لما سهمه يصيب إعرف نفسك أنا اللي بعضي من تراب الأرض , وبعضى من أثير أنا الظلام و النور .. وجوايا الصغير و الكبير أنا اللي ممكن أزحف على بطني , وممكن في الهوا أطير أنا الشر لو أطاوع نفسي .. وكل الخير لو يصحى الضمير بحيرة البجع موجوع واقف ع السور , يتفرج على بحيرة البجع ويشوف الوز اللي رايح .. ويشوف الوز اللي رجع ويشاهد اللي على الميه عايم , واللي في الضلة هجع ويتعجب على البط اللي بيعلم ولاده العوم والدلع منظر صحيح بيفرح ... لكن مايشفيش م الوجع !! سحابة صيف عارف يا طويل العمر , يعني إيه سحابة صيف ؟ غمامة فايتة في السما زي الشهاب و الطيف وكل واحد في الحياة عابر سبيل , أو ضيف والعمر واحد .. لو كان ع السرير أو بحد السيف |
رد: أزجال حسين بيكار ( 1 )
الفاضل : دكتور ناصر
مختارات جميلة تضفى البهجة على المنتدى شكرا لك وننتتظر المزيد من مختاراتك .:nic50: |
رد: أزجال حسين بيكار ( 1 )
بالفعل ازجال رائعه شكرا دكتور ناصر |
رد: أزجال حسين بيكار ( 1 )
أستادي الفاضل : الدكتور ناصر شافعي
اختياراتك دائما رائعة , شكرا لك الف مرة وننتظر المزيد تقبل سيدي خالص المودة والتقدير حسن الحاجبي |
رد: أزجال حسين بيكار ( 1 )
اقتباس:
أشكرك أستاذة مرمر .. أنت دائماً سباقة بتقديم الأعمال المتميزة خاصة في مجال الزجل . تحياتي |
رد: أزجال حسين بيكار ( 1 )
اقتباس:
الأستاذ القدير علي عامر : السلام عليكم ورحمة الله وبركاته أشكرك على ردك الجميل .. وأعتذر عن تأخر الرد . و بإذن الله سأضيف المزيد من الأزجال التي تعجبني .. حقيقة , أنا أتزوق الزجل , لكني لا أعرف كيف أنظمه!! تحياتي |
رد: أزجال حسين بيكار ( 1 )
اقتباس:
الأستاذ القدير و الأخ العزيز حسن الحاجبي : السلام عليكم ورحمة الله وبركاته أشكرك .. وأحييك على أعمالك الزجلية الجميلة . أعتذر عن التأخر في الرد . تحياتي و في إنتظار إبداعاتك الجميلة التي تحمل لنا عطر بلاد المغرب الجميلة . |
| الساعة الآن 14 : 04 PM |
Powered by vBulletin® Copyright ©2000 - 2025, Jelsoft Enterprises Ltd.
Tranz By Almuhajir *:*:* تطوير ضيف المهاجر
الآراء المنشورة لا تعبر بالضرورة عن رأي الإدارة وتمثل رأي كاتبها فقط
جميع حقوق النشر والتوزيع محفوظة لمؤسسة نور الأدب والأديبة هدى نورالدين الخطيب © ®
لا يجوز نشر أو نسخ أي من المواد الواردة في الموقع دون إذن من الأديبة هدى الخطيب
مؤسسة نور الأدب مؤسسة دولية غير ربحية مرخصة وفقاً لقوانين المؤسسات الدولية غير الربحية